އަރުތަ ފުޓްސަލް މުބާރާތް 2025 ގައި 12 ޓީމް ބައިވެރިވެއްޖެ

ރ އަތޮޅުގެ އެންމެ ފޯރިގަދަ މުބާރާތް، އަރުތަ ފުޓްސަލްގެ 2025 ވަނަ އަހަރުގެ މުބާރާތުގައި 12 ރަށަކުން ބައިވެރިވުމަށް ރެޖިސްޓަރކޮށްފިއެވެ. މިއަދުގެ 12 އަށް ވަގުތު ހަމަވި އިރު ރަޖިސްޓްރީކޮށްފައިވަނީ:

1. ދުވާފަރު
2. މީދޫ
3. އިނގުރައިދޫ
4. އަލިފުށި
5. ކިނޮޅަސް
6. އުނގޫފާރު
7. އިންނަމާދޫ
8. ހުޅުދުއްފާރު 
9. މަޑުއްވަރީ
10. ވާދޫ
11. މާކުރަތު 
12. ރަސްމާދޫއެވެ.

01 އޯގަސްޓް 2025ގައި ރަސްމާދޫގައި ފެށުމަށްހަމަޖެހިފައިވާ މި މުބާރާތަކީ ރ އަތޮޅު ކައުންސިލްގެ 4 ވަަނަ ދައުރުގައި ކުޅިވަރުގެ ދާއިރާއިން އަތޮޅުގައި ހުނަރުވެރިން އުފެއްދުމުގެ މަޤްސަދުގައި  ބާއްވަންފެށި މުބާރާތުގެ 4 ވަނަ މުބާރާތެވެ. މި މުބާރާތް ޖެހިޖެހިގެން 3 ފަހަރު ދުވާފަރުން ކާމިޔާބުކޮށްފައިވާ އިރު 3 އަހަރުވެސް ފައިނަލްގައި އިނގުރައިދޫ ކުޅެފައިވެއެވެ. މި އަހަރުގެ މުބާރާތަކީ މިހާތަނަށް އެންމެ ގިނަ އަދަދަކަށް ޓީމްތައް ބައިވެރިވާނެ ފަހަރުކަމުގައި ގަބޫލްކުރެވެއެވެ.