މައިކްރޯސޮފްޓް 365 ގެ ތަމްރީން އޮގަސްޓް 20 ގައި
ކައުންސިލްތަކުގެ މުވައްޒަފުންގެ ޑިޖިޓަލް ހުނަރު އިތުރުކުރުމުގެ ގޮތުން ރ.އަތޮޅު ކައުންސިލުން މައިކްރޮސޮފްޓް 365 ޓްރެއިނިންގ ޕްރޮގްރާމެއް މިމަހުގެ 20 ވަނަ ދުވަހު ފަށަން ނިންމައިފިއެވެ. ސިވިލް ސަރވިސް ޓްރެއިނިންގ އިންސްޓިޓިއުޓާއި ގުޅިގެން ކުރިއަށްގެންދާ މި ޕްރޮގްރާމުގައި އަތޮޅުތެރޭގެ ކޮންމެ ރަށެއްގެ ކައުންސިލަކުން ދެ މުވައްޒަފަކު ބައިވެރިވާނެއެވެ. މިއީ ރ.އަތޮޅު ކައުންސިލްގެ މުވައްޒަފުންގެ މަސައްކަތްތެރިކަން އިތުރުކޮށް، ޚިދުމަތް ފޯރުކޮށްދިނުން ހަރުދަނާކުރުމަށްޓަކައި ޒަމާނީ ވަސީލަތްތަކާއި ޢިލްމު ފޯރުކޮށްދިނުމަށް ރ.އަތޮޅު ކައުންސިލުން ކުރިއަށްގެންދާ މީހުންބިނާކުރުމުގެ ތަމްރީންތަކުގެ ތެރެއިން އެއް ތަމްރީނެވެ.
އޮފިޝަލުން ފާހަގަކުރާ ގޮތުގައި މި ތަމްރީނުތަކުގައި މައިކްރޮސޮފްޓް 365 ގެ އަމަލީ ބޭނުންތަކަށް އަލިއަޅުވާލައި، ބައިވެރިންނަށް މަސައްކަތްތައް އިތުރަށް ހަރުދަނާގޮތެއްގައި ބެލެހެއްޓުމާއި، ކާމިޔާބުކަމާއެކު އެއްބާރުލުން ދިނުމުގެ އިތުރުން، އެފަރާތްތަކުގެ މުޖުތަމައުގެ ފައިދާއަށް ޓަކައި އިދާރީ މަރުހަލާތައް ސްޓްރީމްލައިން ކުރުމުގެ މަގު ފަހިވެގެންދާނެއެވެ.