ނޫސްބަޔާން: 2025 ވަނަ އަހަރުގެ ޖުލައި މަހުގެ ރައްޔިތުންގެ ބައްދަލުވުމާއިގުޅޭ

ޤާނޫނު ނަންބަރު 07/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނު) 107 ވަނަ މާއްދާގައި ވާގޮތުގެ މަތިން، ރައްޔިތުންނަށް އާންމުކޮށް، ހުޅުވާލާފައިވާ ބައްދަލުވުމެއް ކޮންމެ އަހަރަކު ޖުލައި މަހު ސިޓީ ކައުންސިލުންނާއި ރަށްރަށުގެ ކައުންސިލްތަކުން ބާއްވަންޖެހެއެވެ.

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގައި ބަޔާންކޮށްފައިވާ އެންމެހައި އިޖުރާޢަތުތައް ފުރިހަމަކުރުމަށްފަހު، 2025 ވަނަ އަހަރު ޖުލައި މަހު، ރައްޔިތުންނަށް އާންމުކޮށް ހުޅުވާލާފައިވާ ބައްދަލުވުމެއް ބާއްވާ އެ މައުލޫމާތު  ސުންގަޑި ހަމަވުމުގެ ކުރިން ސަބްމިޓްކުރަންޖެހޭ ޕޯޓަލްގައި ޙިއްސާކޮށްފައިވާ މިއިދާރީ ދާއިރާގެ ރަށު ކައުންސިލްތަކުގެ މައުލޫމާތު ތިރީގައި މިވަނީއެވެ.

އަދި ތިރީގައިވާ ކައުންސިލްތަކުން، އެކައުންސިލްތަކުގެ ޒިންމާ އަދާކޮށްފައިވާތީ އެކަންފާހަގަކޮށް ރ އަތޮޅު ކައުންސިލުން މަރުޙަބާ ދަންނަވަމެވެ.